«Проблемалық кредиттер қоры» АҚ Басқарма төрағасының орынбасары Нұржан Байғазиев Әл-Фараби атындағы Қазақ ұлттық университетінің 90 жылдығына және Ұлттық валюта — Теңге күніне арналған Әл-Фараби ат. ҚазҰУ-да өткен Халықаралық ғылыми-практикалық конференциясында «ҚР қаржы жүйесін сауықтырудағы мемлекеттің рөлі» тақырыбында бейне байланыс арқылы сөз сөйледі.
 

Өз үндеуінде ол ұйымдастырушыларға сөз сөйлеу мүмкіндігі үшін алғысын білдіріп, университетті оның елеулі жетістігімен құттықтады.

«Тоғыз онжылдықта Әл-Фараби ат. ҚазҰУ  — еліміздің дамуына баға жетпес үлес қосқан көрнекті ғалымдар мен көшбасшыларды тәрбиелейтін білім, ғылым және мәдени даму орталығы», — деді ол.

Төрағаның орынбасары барлық қатысушыларды Қазақстанның экономикалық тұрақтылығы мен тәуелсіздігін бейнелейтін ұлттық валюта —  теңге күнімен құттықтады. Ол қаржы саласы қызметкерлерінің елдің қаржы жүйесінің тұрақтылығын қамтамасыз етудегі маңыздылығын атап өтті.

«Проблемалық кредиттер қоры» екінші деңгейдегі банктерді сауықтыру және агроөнеркәсіптік кешенді қолдау арқылы экономикалық тұрақтылыққа өз үлесін қосады. Біздің жұмысымыз кәсіпкерлікті дамытуға және жұмыс орындарын құруға ықпал ететін тиімді қаржы ортасын құруға бағытталған», — деді ол.

Өз сөзінде ол сондай-ақ Қордың бүкіл әлем бойынша ұқсас ұйымдармен халықаралық ынтымақтастығының маңыздылығын атап өтті, бұл озық тәжірибені қабылдауға және стресстік активтерді басқаруда үздік тәжірибелерді енгізуге мүмкіндік береді.

«Біз бірлескен күш-жігермен қиындықтарға дайын және жаңа мүмкіндіктерге ашық қаржы жүйесін құра алатынымызға сенімдіміз», — деп түйіндеді ол.