Баспасөз релизі

«Проблемалық кредиттер қоры» АҚ активтерді экономикалық айналымға тарту мақсатында банк секторын сауықтыру және сатып алынған активтерді басқару шеңберінде Қор теңгеріміне қабылданған мүлікті сатуды бастады.

Қордың міндеті – сатып алынған активтерді экономикалық айналымға кері қайтару. Осыған байланысты Қор сауда-саттықтың барлық процесінің ашықтығы мен айқындығын қамтамасыз ететін мүлікті сату тәртібін қамтитын активтерді басқару жөніндегі шаралар кешенін пысықтады.

Қор және оның еншілес ұйымдары шамамен бір жарым мың объектіні қамтитын активтердің тізбесін, сондай-ақ оларды өткізудің кезеңдік жоспар-кестесін қалыптастырды.  

Өткізілетін мүлік Қазақстанның түрлі аймақтарында, қалаларда да, ауылдық елді мекендерде де орналасқан. Жылжымайтын мүлік ретінде сатуға түрлі мақсатты тағайындаудағы жер учаскелері, ғимараттар мен құрылыстар кешендері, коммерциялық алаңдар дайындалды. Жылжитын мүлік жеңіл автомобильдерді, жүк көліктерін және бейінді мақсаттағы арнайы техниканы, жабдықтарды қамтиды.

Қордың активтерін өткізу мемлекеттік мүлік тізілімінің веб-порталында электронды сауда-саттық арқылы жүзеге асырылады. Бүгінгі күнге Қор мүлігінің 50-ден астам объектісі өздерінің жаңа меншік иелерін тапты.

Қор сатылатын мүлік объектісіне барлық қажетті құқық белгілейтін құжаттардың болуын, сауда-саттық әдісін, өткізу күні мен уақытын көрсете отырып, сауда-саттық өткізу туралы хабарламаларды жариялауды қамтамасыз етеді.

Өткізілетін мүліктің толық тізбесімен, сондай-ақ сауда-саттыққа тіркелу және қатысу бойынша қадамдық нұсқаулықпен Қордың сайтында – www.fpl.kz танысуға болады.

Тұтастай алғанда, Қордың қабылданған активтерді басқаруы, оларды сату жолымен экономикалық айналымға тартуы инфрақұрылымды, өндірісті, экономиканың аралас салаларын дамыту процестеріне оң әсер етіп, өз кезегінде, ел экономикасының дамуына қолайлы әсер етеді. Мүлікті сату, сондай-ақ активтерді қайта құрылымдау бойынша жүргізілген жұмыстар нәтижесінде Қор Қазақстан Республикасының Ұлттық қорына 3,5 млрд. теңге аударды.

«Проблемалық кредиттер қоры» АҚ 2012 жылы (1) жұмыс істемейтін активтерді сатып алу жолымен екінші деңгейдегі банктердің кредиттік портфельдерінің сапасын жақсарту, (2) сауықтыру және сату арқылы сатып алынған активтерді экономикалық айналымға тарту жолымен ұлттық экономиканы сауықтыруға жәрдемдесу үшін құрылды.