«Проблемалық кредиттер қоры» АҚ өзінің ресми Facebook парақшасында тікелей трансляция өткізетінін хабарлайды.
Іс-шара форматы — Қор өкілдерінің және Қордан қолдау алған «Қаражар Агро – 2019» ЖШС директоры Валерий Петровтың қатысуымен өтетін ашық онлайн-кездесу.

Кездесу барысында агроөнеркәсіптік сектордағы берешекті қайта құрылымдау нәтижелері, іске асырылып жатқан шаралардың шаруашылықтардың тұрақтылығына және өндірістік әлеуеттің сақталуына әсері, сондай-ақ Қор қолдауын алған бенефициарлардың тәжірибесі талқыланады.

Кездесуде ерекше назар аударылатын мәселелер:

— Қор стратегиясы аясында жүзеге асырылатын кәсіпорындарды сауықтыру тетіктері;

— Ауылдық өңірлердегі жұмыспен қамту мәселелері;

— Өндірістік инфрақұрылымды қалпына келтіру және жаңғырту;

— Елдің экспорттық және азық-түлік әлеуетін қолдау.

Кездесу қатысушыларының қатарында «Проблемалық кредиттер қоры» АҚ-ның бейінді құрылымдық бөлімшелерінің қызметкерлері болады, оның ішінде:

— Корпоративтік даму және қызметті үйлестіру департаменті,

— Талап ету құқықтары және мемлекеттік кепілдіктермен жұмыс істеу департаменті.

Тікелей эфирде ашық диалог форматы барлық мүдделі тараптарға қолданыстағы қолдау құралдары туралы өзекті ақпарат алуға, сұрақтар қоюға және ұсыныстар енгізуге мүмкіндік береді.

Трансляция платформасы: Қордың ресми Facebook парақшасы (сілтеме бойынша)

Өткізу күні мен уақыты: қосымша хабарланады
Байланыс телефоны: +7 (727) 356-09-71/72 (ішкі 2127)

«Проблемалық кредиттер қоры» АҚ серіктестерді, агросектор өкілдерін, инвесторларды және барлық мүдделі азаматтарды қатысуға шақырады. Тікелей коммуникация мен ашықтық – Қор қызметінің басым бағыттарының бірі.